يا اللي حملت الهم همـك تراديـف
ربك كريـم ٍ وأنـت غـال ٍ علينـا
فل الحجاج , أضحك , هات السوليف
وأدفن همومـك بالصبـر مستعينـا
لا تنظر لهمك وناظر تـرى كيـف
تمضي ليـال العمـر مهمـا بكينـا
لـو البكـا ينفـع وللهم تخفـيـف
لأبكي ولو يسمـع رجـال ٍ بسينـا
الله من رجل ٍ غدت بـه تخاريـف
ومن قبل همه كان رجـل ٍ رزينـا
يا شين هم ٍ يقصف العمر تقصيـف
ويا ويل من هو في همومـه سجينـا
ترى الأمل يا صاح مثل المجاديـف
ومـن لا مجاديـف بحياتـه يقينـا
يغرق بموج البحـر يبقـى تناتيـف
في وسط جوف الحوت يبقـى دفينـا
حيثه حزين ٍ خالي ٍ من هنا الكيـف
وكم من طريح الياس ـوالله ـلقينـا
وصلاة ربي عد ما أقبـل الصيـف
على البشيـر اللـي بأمـره مشينـا
وسلامتكم....