سر جمال الشينه

موضوع: سر جمال الشينه 10/13/2007, 5:46 pm

حلو انك تقوم الصبح من اوله صحيح فيه بعض المنغصات اللي تسد النفس على هالصبح خاصه لاناظرت عمرك بالمرايا لكن سرعان ما تتقبل الوضع وتتحمد عليه وتقول بينك وبين نفسك االحمد لله على ماقدر الله اهم شي حلاوة الروح (( وربي لاحلاوة ولا ملح غير الله يعيضك الجنة))المهم مابغا اطول حبيت اليوم اني اكتب عن.الجمال وقبل لابدا الموضوع .طبعا لنا راعي للموضوع وهو (( صالون مش حالك))وطبعا صالون مشهور وكبير وله سمعه كبيره في خريص (( وخريص هذي مدينه ساحليه قابعه بين الرياض ومنتجع جوده في المملكه العربيه)) ولا ابغي اسوي له داعيه اكثر من كذا المهم الجمال كلمة انبعت من جمال الشيء اينكان هالشيء المهم ان العين تراه جميل و الجمال الكل يتمناه ا ما يكون فيه ولا يكون من نصيبه فاتشوف الناس تتعب ورا ذا الصالونات تحط حد لخلقتها سواء الجميله أو الشينه والمصيبه لا الشينه راضيه بأخر ماوصل له العلم في التجميل ولا الجميله عاجبها حدود جمالها وسبحان الله جعل الصبح بدري على الريق هو المحك للمراه وجمالها فاتشوف المزيونه لاقامت من النوم كنها توها تنام من زينها وتشوف الشينه سعاد نصر تنام سعاد وتصبح نصر من شينها المهم ان الجمال تنادو وتعالو عليه الشعراء وسطرو اعذب الكلمات الكذبيه في وصف جمال المراه ولاني بداخل في التفصيل لاني منيب خالص بخش بالموضوع بدون مكياج ولابدي كير ولا مذر كير .ولا جكر كير .طبعا كلكم يعرف ان مقياس الجمال حتى في المسابقات العالميه للجمال ترتكز على ناحيتين الناحيه الجماليه للوجه والناحيه القواميه للجسم ((ربي يعينك يا مضيع الثنتين)) وكثير من الشعراء والمتخصيصين بهالجمال (( يعني شعراء كوافريه تصفيف شعر)).يقولون بأن اصل جمال المراه ينبعث من العين وانه اذا ماكانت العين جميله كان الوجه جميل واذا شفت العين متبعه الموضه .يعني عين لم الرياض وعين لم الاحساء اعرف ان الوجه رايح في عين امها والجمال اختلفو عليه كثير من الحكماء فيهم من قال ان الجمال رحال اليوم عندك وبكره مسافر وفيهم من تفلسف زياده عن اللزوم وقال ان الجمال لايغني الرجل حين تضيق الارواح ومثل النساء كالبيض المسلوق (( الله يذكر عجيج بالخير )) لو تلونها من برا لكن من داخل كلها واحد لكن يتفاوتون في الارواح المهم ان الجمال يتفاوت حتى من بلد لبلد طبعا عندنا في الخليج بفضل الله الجمال مسوين له داون لود اصلا حنا جو عندنا خبراء من ولاية لاس فيغاس في الولايات المتحده يبغون يسون مسابقه في الجمال يوم مالقو شي يشجع وكنسلو الفكره وعشان مايرجعون لمريكا جيكرورا وشين قدام وعشان ما يكسرون خاطر بناتنا قامو سوو لهم مسابقة في جمال الاخلاق والأصل والحمد لله فازو 90% بالمرتبه الاولى مكرر و10 % الثاني مكرر واستغربو اصلا الامريكان هذا الابداع في جمال الاخلاق عند بناتنا فكرو السنه الجايه يجيبون لنا كم امريكيه عندها اخلاق تنافس بناتنا مايدورن ان بناتنا بيسحبون البساط من تحت رجليهم .وربي لو يجون يسون برنامج مين اشين من مين على غرار اولميات سيدني وربي بنحصد الميداليات الذهبيه كلها ..المهم الجمال نعمه حباها الله سبحانه لبعض من خلقه والبعض الاخر الله يعضهم الجنه اذكر امي فديت خشتها دايما ترفع لي وتحاول التخفيف من ظلم المرايا لي وتقولي يا رفيع ياهني من بتاخذك انشهد انها خذت الزين كله وكنت اقولها يمه بالله عليك انا مزيون تقول ايه يمك مزيون وليت كل الخلق تشوفك بعيني (( ياليت يمه الناس تشوفني بعيونك كان ماخسرت كل هالخساير على النوادي الصحيه ))ولا قلت لها احلفي يمه اني مزيون عشان يتطمن قلبي تقول لي ياشينك يا رفيع يمك بتحدني اصوم ثلاث ايام في الحقيقة ضيقة صدري لكن الامل بالله كبير والحمد لله على كل حال في النهاية الشين يتحمد الله (( الحمد لله والشكر )) والزين يتحمد الله (( وش فيك سكت ؟؟)) …من يومين . جذبني برنامج دعائي في احد المحطات الفضائيه التجاريه يتكلم عن كيف تمكيج خشتك وانت في بيتك وفي الحقيقه لقيت الموضوع هذا كنه بيتزا سوبر سوبريم قدامي ولاني عارف من وين ابدا من وسط البيتزا ولا من اطرافها خاصه بيتزا الكلاسيك ..المهم ان البرنامج هذا يبين فوائد الفواكه والخضار للبشره قامو في البرنامج وبكل سهوله و حطولك جهاز على شكل صينية فواكه تظهر منها بخار الفواكه وقالو سم بالله وغطس وجهك فيها وبيزول عنك الشروتشوف هالطاس متروسه من تفاح لخيار لجزر لموز (( موز؟؟الله يرحم قرود الباحه الاوليه كانت قنوعه راضيه بزينها ))المهم انهم اوصفو الفواكه والخضار كا علاج للبشره ولجمال المراه ومن عقبه اصبح سوق الخضر ملاذ للحريم يعني الله يعني لاجيت اجيب خضره للبيت اجيب كرتون للسلط وكرتون للإيدام وكرتون لوجه المره المهم ان السوق صار مرثع الزينات والشينات على حد سواء واتشوف هالهنود في سوق الخضره اشتغلو بياعه كوافيريه كل واحد لاشاف حرمه داخله السوق لاحقها وقال البطاط للمرق والخس للسلط والخيار للووجه يالله يا هلوه يالله يا هلوه .وامس رحت لثلاث محلات كبار وعالميه منها السيفواي .والبنده .ودكان ابو حسن ..وكلهم قالو مافيه خوخ ولا موز من شدة الصرفيه صرت يوم اشوف قلاص الكوكتيل قدامي متروس اقول يا ويل كبد ام فلان عليه المهم اني فكرت بالموضوع لقيت انه يوم ابغي اودي زوجتي عشان تحضر عرس بدل لا وديها الصالون اوديها سوق الخضره تاخذ كريمات التجميل اللي تحتاجه لزينه ولا تطلع من سوق الخضرا الا وصناديق المكياج تارسه شنطة السياره يعني من بعد مايايشوفون هالبرنامج البنات نقوم حنا نستعمل الجرجير والبربير والكرفس والكراث سلط وننسى ايام الخس والخيار والطماط ..وربي ماهوب كاسر خاطري غير رواد مطاعم البخاري فوق ما هي معدتهم مقرحه من ذا الرز عقب ذا البرنامج بينحرمون من السلط . لين بدا يجينا هاجس من ميول البنات وتفكيرهم السطحي في قضية الجمال وسمتحضراته متناسين امور اهم في داخل الاسره ومتطلباتها واللي مفروض انها تتلاحقه قبل البيت مايطيح وينعفس مكياجها وربي ان حنا من كثر مانشوف الخيار ملزق في وجيه الحريم نخاف بكره مانشد كرتون الخيار ولا بسبعين ريال اتقو الله فينا كل شي زاد سعره حولنا والسبب الرئيسي فيه دايم تفاهة بعض الحريم وتفكيرهم المحدود ولهفتها ورا صرعات الموضه في الملابس والمكياج لدرجة اني بديت اشك انهم يستعملون البانزين من ظمن مستحضراتهم التجميليه ولا ليه زاد سعره؟ مع ان.المراه الخليجيه ربي حباها بجمال طبيعي يحسده عليها جميع نساء العالم الا انك تشوفها اخر وحده تحس بهالنعمه وربي ان المساحيق ومايزيدها غير تلوين والله يا فيه بنات سبحان ربي من يشيلون المساحيق من وجيهم تشوفهم كنهم البدر ومن يحطونها انعفست وجيهم تقول كنهم رايحين يشاركون في عرض سيرك التنين الصيني . و بعظهم من تشوفهم جايين عقب عرس ولا صالون انك تقول سلام قول من رب رحيم من الخلعه يعني لو تكفخها في ساعتها على وجهها كان طبعت على كف ايدك احلى لوحه تشكيليه بلأوان طبيعية تنافس لوحات الرسامين العالمين امثال بيكاسيو ومالبوخ (( من مالبوخ ذا؟)) في النهايه اقول اسف على الاطاله واتمنى انكم اتقبلون نقدي بصدر الرحب دورت لكم حجه في المكياج وسطول الاصباغ والتلميع بالمساحيق وترميم مافسد الدهر مالقيت ولو اني لاقي شي من هالمساحيق تساعد علىتزين

منقول

موضوع: رد: سر جمال الشينه 10/14/2007, 12:04 am

ههههههههههههه ما ادري اضحك ولا ابكي هههههههه هو الي كاتب يا انه مثقف يا انه يبغى يسولف يا بس هذره بس صدق في جمله

(((ماكانت العين جميله كان الوجه جميل)))

معرووووف مقيااس الجمال العين والخشم الله يدبر خخخخخخ

وكذب في جمله

((بناتنا فكرو السنه الجايه يجيبون لنا كم امريكيه عندها اخلاق تنافس))

لا يجبون ولا يتعبووووووون محد ينافسنا في اخلاقنا ههههههههههههههه واذا بنجيب مو امريكيه اكيييييييييييد هع

وسالفه البيتزا ما فهمتهاااااااااا هو خشته ههههههههههههههه خشه شكلها سبه هع

موضوع: رد: سر جمال الشينه 10/14/2007, 1:18 am

ههههههههههههههههههههههههههههههه

يسلمووووووو رهين على الموضوع الراااائع..

والله لا يحرمنا من جديدك يالغالي..

» د>> فليسكوووو بين الشينه والزينه<<
» ~@( ملكة جمال السعودية والعالم )@~
» ملك جمال العالــم ومجنن البنات