السهم الملتهب المراقب العام للمنتدي
عدد الرسائل : 3332 الموقع : الرياض العمل/الترفيه : مربي ومربي ومربي وطحينية وجبنة المزاج : رايق
| موضوع: منقول::: قصيدة استغاثه //// بس ردد راعيها ياليل ما اطولك 10/4/2007, 8:45 pm | |
| قصيدة استغاثة قولوا لأبو متعب ترى الشعب مقهـور ** ياخـادم البيتيـن امسـك عصـاهـا
ضاعت فلوس الناس مع كـل هامـور ** ومثلك يعرف البير ويعـرف غطاهـا
من سي لاسوأ وبين عاثـر ومعثـور ** وسهمك وهو سهمك رموه بخلاهـا !!
كيف اشكي العله علـى كـل دكتـور ** والطب عندك وانـت تعـرف دواهـا
ماخافـو الله خالـق النـار والـنـور ** حتـى الأرامـل شاركوهـا بعشـاهـا
ياقلبـي اللـي فيـه نيـران وحـرور ** ضاقت علي دنيـاي وسكـر فضاهـا
سوقك بلون الـدم باسبـاب مغـرور ** يضغط علـى سابـك وكسـر يداهـا
في عشر اواخر نرجي الذنب مغفـور ** قامـوا علينـا قومـة ٍ مـا وراهــا
واعمار صارت دمهـا اليـوم منثـور ** وخاب الرجاء باعمار واللـي رجاهـا
ياما بنينـا فوقهـا ابـراج وقصـور ** وراحت سدى والسوق دحـدر معاهـا
كم شاب قال ابغى اتزوج مـن الحـور ** وافلس وبيره جف مـا شـاف ماهـا
وكم راعي أسره أصبح الصبح مفقور ** العيـد بكـره واسرتـه مـا كساهـا
وقمت اتفكر وادرس الـراي والشـور ** قلت ازبن لصقر العروبـه .. ذراهـا
بكلمه تجي من عنده اليـوم مسـرور ** والسوق يرجع عشب يـروي ظماهـا
يادرعنا لا صـار بالكـون عاصـور ** كم صرخـة ٍ للنـاس تسمـع صداهـا
يالحر00 يابن الحر00 والحر مخبور ** قاد الحـرار الشامخـه فـي سماهـا
ما يلحقك يا سيـدي شـك وقصـور ** لكـن رسالـه ياصـلـك محتـواهـا
انـك ابونـا والرجـا فيـك موفـور ** عدلـك شمـل كـل الديـار وغشاهـا
جوني يعزوني على السـوق ماجـور ** قلـت البقـا بالشيـخ يطفـي لظاهـا
ويرد لون السوق عشبـي ويخضـور ** مثـل علـم دار السعـود وصفـاهـا
خيرك عميم وشاكر النـاس مشكـور ** ومـزن الحيـا عـم البـلاد وسقاهـا
انت الرجا بعد الولـي تدفـع الجـور ** واسلم عساك تـدوم وتحمـي حماهـا وفالكم طيب
| |
|
دلوعه الرياض مشرفة اداريه
عدد الرسائل : 5764 الموقع : البصحاااء تقاطع التحليه حووش الغنم جنب العليا العمل/الترفيه : طالبه زاااحفه للاسف المزاج : طربااااااااااااانه
| موضوع: رد: منقول::: قصيدة استغاثه //// بس ردد راعيها ياليل ما اطولك 10/4/2007, 9:08 pm | |
| ههههههههههههههههههههههههههه ياليل مطوووولك هههههههههههههههه
مشكور يا خوي على النقل بس معليش محلها مو هنا اسمحلي انقلها | |
|
الجوري مشرفة قسم الشعر
عدد الرسائل : 2407
| موضوع: رد: منقول::: قصيدة استغاثه //// بس ردد راعيها ياليل ما اطولك 10/6/2007, 1:12 am | |
| يسلموووووووووو خيوووووووووووو
الله يعطيك العافيه | |
|