د>> فليسكوووو بين الشينه والزينه<<

(( الـــــزينه و الشيــــــنه ))

د>> فليسكوووو بين الشينه والزينه<<
...............................................................
من البدايه احب اقولكم ان هذا الموضوع حصل على جائزة اطول موضوع في العالم بعد موضوع للكاتب برجس بن منغيص في موضوعه الخطير الذي تناقلته رسائل الاعلام الغربيه ...
وكان عنوان موضوعه (( كيف تلبس سروالك وانت مغمض ))
وانا حاولت اختصر الموضوع بس اكتشفت اني يوم اختصرته صار اطول من اوووووول(( ياخوي ادخل في الموضوع وفكنا ))
الموضوع بدون مقدمات .. ..
بعد جهد جهيد وتعب تعيب تزوجت !!!
ايه تزوجت وش فيكم مستغربين
يعني القرود مايتزوجون !! (( يارجال انت والله حتى بطانية شغالتكم ماترضاك زوج لها ))
صحيح ان اللي تزوجتها حرام يطلق عليها لقب < جنس ناعم >
اول مره اشوف حرمه متشققه يدينها ورجلينها وحتى لسانها مشقق
الظاهر انها كانت فلاحه !!
لاوازيدكم من البيت غرفه متنفخه من كل مكان ماتدري وين الصدر من البطن ولا تدري وين الظهر من الرقبه !! لدرجة انها مره جت تشتكي لي من ركبتها ووديتها الدكتور وجلس الدكتور ساعتين يقلب فيها قلت له ياخوي والله الظاهر انك ماتعرف شي
قال لي : بص يابني انا اول مره اشوف حاقه زي كده ..
لكن انته شاورلي على الركبه وانا اعالجها على طووووول ..
اثاري الضعيف مايدري وين ركبتها لان رجولها كلها فخوووووذ
مافيه لاساق ولا ركبه هذي مفروض اذا مرررضت ما اوديها الدكتور المفروض اوديها سباااااااك .. ..
والله ماناقص الا اركب لها ليين وتصير سخانه ..
المهم اني توهقت فيها لعن ابو جدها حتى الرومانسيه ماتعرفها ..
بعض الامرار اجلس انا وهي بلحالنا واحط عيني بعينها يقال لي لغة العيوووون وهي اللي تقول : خييييييييير يا ابو الشباب مضيع عفريته في وجهي ..
ومره حطيت نووور احمر شاعري في الغرفه عشان نتبادل الحب واول مادخلت لي .. وين الفلم ؟!!
قلت لها أي فلم ؟!! قالت فلم الكاميرا ؟!!
قلت وشو فلمه يابنت الناس ؟!!
قالت ما ادري بس اشوفك جايب نور احمر قلت يمكن انك ناوي تحمض صور (( الا والله جتني حموضه من وجهك ))
وكان شكلها يصعب على الكافر اذا ناظرت شعرها كني شايف جمهور الاتحاد وحمزه جايب هدف ..
وعيونها حمر .. الظاهر انها كانت تحشش مع شلة باكستانيين ..
ووجهها كانه واحد يتمضمض ,,
واللي قاهرني اكثر المهر اللي دفعته فيها والله لو اني شاري بالمهر غنم ومربيه انه اصرف لي .. لان هذي مايندفع فيها مهر .. مفروض انها تجي هديه مع كيس رز ..
لكن انا وكلت امري لله ورضيت بالامر الواقع ..
( مو بكيفك يالحبيب لكن لانك تدري ان ولاوحده بترضى فيك غيرها)
وفي يوم من اللحظات كنت ماشي وخاش جو وافكر بوضعي مع هالبلوه المهم اني شغلت السياره ومشيت ..
وهموم الدنيا كلها فيني وفجأه حسيت بصوت قوي والدنيا تدور فيني وانا انزل أشوف وش السالفه ؟!!
.. أفـــــــــاااااااااا .. طلعت صادم لكزس جديده وينزل راعي اللكزس معصب ويقول لي انا(( بذبحك اليوم ))قلت له والنعم انا ((فليسكو))
قال تستخف دمك يالحمار انت تدري كم يكلف تصليح السياره قلت له ليش قالوا لك اني اشتغل في ورشه ..
وهو اللي يتصل على المرور .. وجلسنا نحتري المرور وأشوفه طلع جواله ودق على وحده الظاهر انها زوجته ..
واسمعه يقول لها<< هلا حياتي وش اخبارك؟!!
عيوني معليش انا بتأخر شوي >>
وانا اللي اطلع جوالي واتصل على حرمتي واقوول لها هلا حياتي قالت النمره غلط ..
المهم جلسنا نحتري المرور ساعتين ولاحد جاء وفي هالفتره على بعض وطلع راعي اللكزس رجل اعمال وولد نعمه وتصالحنا قبل مايجي المرور ...
وعزمني على العشاء عنده اليوم الثاني انا وحرمتي وقال لي قل تم قلت تم الله عدوك !!!!
رجعت للبيت وانا تعبان واحصل ورقه في الصاله مكتوب فيها
(( الى متى هذا التجاهل ؟!! الى متى هذا الجحود ؟!!
ألست نصفك الثاني ؟!! لماذا تعاملني بقسووووه بالرغم من حبي لك ؟!
لقد عرفت الحب من عينيك .. وعرفت الحنان من لمساتك وليس ذنبي انك لاتحبني فأنا لا اصنع القدر.. كم تمنيت ان اسعدك كم تمنيت ان احضى بحبك ولكن لم تترك لي الفرصه .. انا لي قلب ينبض بحبك فلا تجعل هذا القلب ينكسر من قسوووتك فيصبح صدري قبرره وتمووت الاحاسيس ويعيش الجسد وحيدا بدون روح .. الصفحه 45
المرسله : زوجتك .. ومحبتك للابد ..
(( هالغبيه ناقله رقم الصفحه في المجله !! ))
المهم اني اخذت ورقه وقلم وكتبت لها كلي تراب بس ..
وحطيتها مكان رسالتها ورحت انااااااااااام ..
عاد اذا نمت بجنبها اصير كني قاعد في ساحة حرررب ,, وتشفط أي شي وهي تشاخر .. يعني نقوم من النوووم نلقى التسريحه ودولاب الملابس ناشب في خشمها .. حشى مروحة شفط مو آدميه ؟!!
لاااا وتشفط الاكسجين كله ماتترك لي ولااكسجينه وحده ويطلع من فمها دخان اسود الظاهر انها مكربنه طالع فمها كأنه شكمان تريله وكله كوم وريحتها كوم كأنها متنقعه بكرتون طماطم خاااايس له سنتييين .؟؟
المهم اني قمت من اليوم الثاني وجلست عند التلفزيون وجاس اشوف انواع البنات ..
اشي اشقر واشي اسمر واشي ازرق .. موب اللي عندي اشي مخيسه وانا كنت خااااش جو مع المذيعات احس انهم يكلموني من جد..
ومنبطح على بطني وكل شوي ازحف عند التلفزيون كني ظاطور ..
وشوي تدخل علي زكيه زكريه اللي هي حرمتي ..

موضوع: تابع<<< 1/8/2008, 8:04 am

وقالت لي لاتصدق تراااهم بدون مكياج ماتقدر تناظر فيهم من الشين وانا اللي اناظرها نظرة واحد وده يلعن والديها ..
وقلت لها مو هذي المشكله .. المشكله اللي ماتقدر تناظرها لابمكياج ولابدوون مكياج ..
قالت هذا انتم يالسعوديين أي شي يوديكم ويجيبكم ؟؟
قلت اخس يالنرويجيه بعدين وش حارق رزك انتي لايكون تغارين منهم شوفي حبيبتي اذا بغيتي تغارين لازم تغارين من شي على مستواك يعني مفروض تغارين من الثلاجه والا الغساله والا اسطوانة الغاز مو تغارين من شي مافيه مقارنه بينك وبينه ..
قالت لي ياخي ليش انت تعاملني كذا ماكأني زوجتك ابد ليش ماتدللني ؟
قلت انا والله ما اعرف ادلل اللي مثلك لكن اعرف ناس في الدنمارك عندهم خبره في تدليل اللي مثلك يالبقررررره ..
وهي اللي تزعل وتبكي ؟!!
الوكاد اني قلت لهاىجهزي نفسك ترانا معزومييييين الليله وابيك تلبسين احسن لبس عندك .. انا بروح مشوار وابي ارجع احصلك جاهزه قالت لي جاهزه والا تفصيل وانا اللي افسخ النعله وامحطها في جبهتها قالت لي ليش تسوي فيني كذا ؟!!!
انا ابي اضحكك و اوسع صدرك قلت لها ..
البسي بسرعه مادام النفس عليكي طيبه لاوالله ارفسك رفسة البغل !!!
المهم رحت مشواري ويوم رجعت ودخلت البيت وتمددت على الاريكه وبينما انا جالس وسارح في خيالي الا هاللي
دخل علي.. بسم الله.. اعوذ بكلمات الله التامات من شر ماخلق ..
..أفـــــــــــااااا.. زوجتي وش اللي مسويته بنفسك؟!!
وهي اللي تبتسم ابتسامه فرس النهر وقالت لي وهي اللي تاخذ لفه حول نفسها وش رايك اهبل صح ؟!!
قلت لها ايييييه والله انك تهبلين وتجنين وتسجنين بعد وش مسويه في وجهك انتي ؟!! قسم بالله ما ناقص الا تكتبين
تحت وجهك عمل الطالب: مصطفى .. لان وجهك طالع كأنه صحيفة مسويها فلسطيني بثالث/ج
قالت لي والدموع على طرف عيونها حرام عليك هذا مكياج قلت لها انتي ماينفع مع وجهك مكياج اذا بغيتي تحطين مكياج تروحين لاقرب فرع لدهانات الجزيره يمكن يقدرون يضبطون وجهك بعدين وش هاللبسالاخضراللي عليكي رايحه حفله تنكريه انتي !!!!
قالت كلش عاد ولا لبسي هذا هديه من امي قلت لها يابنت الناس والله بتفضحيني عاد مالقيتي الا اخضر رايحين نطفي حريق احنا ..
والله انك طالع سيارة الدفاع المدني على هاللبس ومادريت الا وهي تبكي وركضت لغرفتها ..
وبعد ماجلست ساعتييييين اعتذر منها وافقت انها تخاويني للعشاء ورحنا لبيت خويـي الغني والله ياهو بيت نعن ابوه قسم بالله ولابيت الملك فهد (( قفلوا الموضوع تراه بيجيب العيد !! ))
دخلنا البيت وكان بيت كله رخام وقالت زوجتي شكل خويك فقير ..
وماعنده فلوس يفرش بيته !!!
وانا اللي اناظرها نظرة الكلب وقلت لها ماودك تدخلين قبل ما امسح هالرخام بوجهك !!
دخلت زوجتي من باب الحريم مع انها مفروض تدخل من باب الخدم ..
ودخلت انا من باب الرجال .. ولقيت خويـي يحتريني في المجلس وجلسنا نسولف انا وياه وقمت اشتكي له من زوجتي وشكله حن علي وعرض علي انه يزوجني وحده حلوه وغنيه توفى زوجها وماعندها عيال ..
انا بغيت الحس اصبع رجله اليمين من الفرحه ..
قال لي خلاص انا بخلص لك الموضوع وتعشينا وخلصنا ومادريت الا زوجة خويـي تطق الباب وتقول من ورى الباب ..
فليسكو امك طلعت وتحتريك عند الباب ..
(( تحسبها امي بعذرها مادرت انها زوجتي !! ))
مرت الايام وانا في عذاب مع زوجتي الشينه صحيح ان قلبها طيب بس المشكله وجهها يقول لي اذا فيك خير قرب !!!
وفجأه دق جوالي وطلع خويـي يقول لي لازم تجي هالحين ضروري وركبت سيارتي ونصيت بيت خويـي ..
وصلت بيت خويـي وطقيت الباب واول ماجلست قال لي شوف انا كلمت الحرمه اللي قلت لك عليها ووافقت بس شارطه انها تشوفك .. ..
قلت لازم تشوفني اخاف تهووون !!
قال لي هذا شرطها قلت مو مشكله مشينا ..
وركبت معاه في سيارته ونصينا بيت البنت وطقينا الباب وفتح لنا واحد شايب غني بتقولون لي وش عرفك انه غني بقولكم لانه حالق شنبه ولحيته ..
دايم الشياب الاغنياء يملطون الشنب ..
مو مثل جدي ماينشاف وجهه من كثر شنبه ..
ويقولون لن اخر مره شافوا وجهه كان بعد الحرب العالميه الثانيه وبعدها تحول جدي لخروف من كثر شنبه المهم قلطنا هالشايب وقام يتفلسف علي من هالكلام ..
بعدين قلت له وش رايك تنادي بنتك قبل ما اقووووووم اتوطى ببطنك!!
قال لي والله انك صادق بس حبيت اوريك اني فاهم !!
المهم قام هالشايب ونادى بنته وشوي الايوم دخل علينا ذاك القمر اللي حتى البنات اللي يغنون مع راشد الماجد اغنية مشكلني مايجون طرف رجلها اليسار (( قدددددددديم صح ))
دخلت البنت وسلمت ..
وجلست في صدر المجلس .. واضح ان وجهها قوي كنها مصري معزوم على العشاء وقالت لخويـي شكلك مقبول بس وشو له مدخل كلبك معك في المجلس؟!!
قال خويـي هذا مو كلبي هذا فليسكو اللي يبي يتزوجك !!
وهي اللي تضحك وتقول لي آسفه حسبتك كلب قلت لها لاعادي
(( واضح ان ماعندي كرامه ))
وقالت لي بالله انت شفت وجهك يوم فكرت انك تتزوجني !!
تصدق اول ماشفت وجهك احسبك جاي تبي سلف انت ووجهك اللي كنه خريطة ساحل العاج !!
عاد هي مستلمتني تهزيئ وانا ساكت مسوي فيها مؤدب ..
المهم انها قالت لي شووووووف انا مواقفه اتزوجك بس على شرط انك تطلق زوجتك الاوله قلت لها اطلق ابوها بعد انتي تامرين أمر ...
قالت لي خلاص الزواج راح يكون الاسبوع الجاي وروح طلق زوجتك وجهز نفسك...
قلت لها ابشري طال عمرك وحبيت كتفها واخذت خويـي وطلعت ركبنا السياره وسألني خويـي من جدك انت بتطلق زوجتك الاوله قلت له بطلقها واتفل بوجهها بعد ..
نعن ابوووك والله اني اذا دخلت غرفة النوم اقول
<< اعوذ بالله من الخبث والخبائث >>
كني داخل حمام بعدين ياخي احسها دبشه .. تصدق مره سبقتها لغرفة النوم وحطيت شموع صغيره في الغرفه وحركات يقال لي رومانسي وناديتها اول مادخلت وهي اللي تنبسط وتفق خشتها وتجي مسرعه وتجلس جنبي تقول بالله بسررررررعه نادهم قلت لها وش اللي بسرررعه وانادي مين ؟!!
قالت لي انت ليش جايب شموع اكيد عشان تحضر ارواح!!!
وانا اللي ادخل رجلي في فمها وماردني الا البنكرياس..
يااخوي غبيه وشينه قسم بالله اني اذا نمت اتحلم اني بين بنات حلوات وانهم كله يبون يتزوجوني ..
وانواع الاحلام الحلوه ..

موضوع: تابع<<< 1/8/2008, 8:05 am

وفي عز الحلم افتح عيوني واول ما اشوف
وجهها اقول بالله عـــــب بعشرررره ..
الوكاد ان خويـي دموعه اربع اربع وهو يسمع مـأسآتي وقال لي طلقها الله يلوم اللي يلومك ..
ونزلني خويـي عند بيتنا ..
ودخلت البيت وانا ناوي اطلقها الليله قبل هالحين دخلت البيت ولقيت سيد قشطه اللي هي زوجتي جالسه تتابع التلفزيون سلمت عليها وجلست جنبها اراقب الوضع ابي اصيد عليها أي غلطه عشان اطلقها مرت ساعه وساعتين وهي ماقالت ولاكلمه نعن ابودارها كانها عارفه اني ناويها وخيم صمت رهيب علينا وفجأه
قلت لها من اللي موب رجال ؟؟؟!! (( يبي مشكله باي طريقه ))
وهي اللي تناظرني باستغراب ولاردت علي!!
وحسيت ان خطتي مخيسه ..
ورجع الصمت وخيم علينا وفجأه قلت لها أمـــــــي احسن من وجهك ليش تسبين امـــــي ؟!!
وناظرتني باستغراب ولا ردت؟؟!!
ورجع الصمت وخيم علينا ومرت ساعه وساعتين ويوم ويومين وحنا على نفس جلستنا ابيها تقول أي شي عشان اطلقها وهي ولانفس!!
حتى الصمت قفلت معاه واخذ خيمته وراح خيم في مكان ثاني!!
وطلعت سيجارة حشيش عشان امخمخ وادور لي فكره عشان اطلقها وبعد ما مخمخت جتني فكره جهنميه
وقلت لها اسمعي الله يلعن وجهك(( من جد رافعه ضغطي ))
انا بقولك لغز اذا جاوبتي غلط بطلقك اما اذا جاوبتي صح فما راح يبقى قدامي حل الا اني اطلقك هاااااااه وش رايك ؟!؟
قالت خلاص موافقه (( هي وحده من الخمس اما انها هبلا او ان الحشيش مأثر عليها ))
فقلت لها وش الفرق بين القرد والجزمه وانا ؟؟
وبعد تفكير عميق قالت لي ما ادري..
ماعرفت الفرق .. قلت لها الحل بسيط ..
الفرق ان القرد يقدر يلبس الجزمه لكن الجزمه ماتقدر تلبس القرد قالت لي طيب وانـــــــــــا ؟!!
قلت انتي طاااااااالق ((هذي فايدة الحشيش
يطلعك من المواقف الصعبه))
المهم ان زوجتي سابقاً اخذت اغراضها وراحت بيت اهلها وانا جلست اجهز نفسي واستعد للعرس وجاء يوم العرس وفي يوم العرس كنت في كامل زينتي واناقتي لكن بالرغم من اني كنت كاشخ كانوا المعازيم يسلمون على اللي يصب القهوه بجنبي ويقولون مبروك وانا محد عبرني ما ادري وش السبب !!!!!!!!
خلص العرس واخذت زوجتي الجديده ورحنا بيتنا وانا كنت متحمس اخيرا تزوجت وحده حلوه !!
ودخلنا الغرفه وفجأه قالت ممكن تطس برى ابي البس قلت ابشري وطلعت وجلست احتريها عند الباب الين الصبح طلع اثاريها نامت وجحدتني بس اني عديتها لها لانها عروس واكيد مستحيه ..
واول ماقامت الصبح لبست ملابسها ونادت السواق ((طبعا السواق والخدامه هي اللي جايبتهم على حسابها ))
فقلت لها على وين رايحه ؟!!
قالت لي رايحه الشغل قلت وشو شغله (( اخس يالشديد ))
قالت لي بكل برود يووووووووه نسيت اقولك اني اشتغل في شركه قلت لها لاماقلتي لي !!!
بعدين انتي غنيه وما انتي في حاجة الشغل قالت لي عشان اوسع صدري بس ..
اذا مو عاجبك طلقني !!!!!!
قلت لها اكيييييد عاجبني بس ترانا تونا عرسان جدد كيف تروحين للشغل اليوم الثاني من العرس !!
قالت بكل سخريه لايكون ظنك اني بأجلس واقابل خشتك ..ةقسم بالله اني مستعده انسجن عشرين سنه في قضية سرقة شارابات العايله ولا اقابل خشتك ساعه وانا اللي اكرر ضحكي (( ماعندي احساس ابد ))
المهم انها راحت الشغل ورجع السواق وجلست انا وياه والشغاله نلعب بنت السبيت .. واللي قاهرني انهم جالسين يغشون علي ..
و قلت لهم غش وقالوا اذا مافيه يعجب انت لعب اطلع برااااا
(( اموت واعرف من اللي قالهم اني رخمه ))
ويوم جاء الظهر رجعت زوجتي من الدوام وتغدت وقالت لي صحني الساعه سبع المغرب لاني معزومه على العشاء قلت لها بس انا كنت ناوي نطلع انا وانتي اليوم ..
قالت لي ياخوي انت ماتحس ترى انا ماتزوجتك الا بس عشان الناس مايتكلمون على كثرة طلعاتي يعني انت زوج قدام الناس بس قلت لها شكراً لك وانتي احسن زوجه عندي في العالم (( مابعد استوعب كلامها))
جت الساعه سبع وربع وصحيتها من النوم واول ماقامت وناظرت الساعه ولقتها سبع وربع قالت لي انا ماقلت لك تصحيني الساعه سبع حكم .. قلت لها حكم اول والا ثاني ..
(( هذي لحقين البلوت بس مع اني كرهت البلوت بسبب شخصين ))
المهم ان زوجتي مسكت الساعه ومحطتها في جبهتي وانا اللي اضحك واقول لها الله يقطعك انتي ومزحك (( تحسون اني كلي من جد ))
وقلت لها وين معزومه ؟؟؟
قالت لي زملائي في العمل عازميني عندك مانع قلت لا عندي دواس
(( على بالي انكت واخلي البساط احمدي ))
وسفهتني ولاردت ..
قلت لها الحين زميلاتك والا زملائك ؟؟
قالت لي اعتقد كلامي وااااااضح انا قلت زملائي !!

قلت لها انا لايمكن اسمح لك انك تروحين عند رجاجيل اغراب قالت لي تلايط بس اصلا من اللي اخذ رايك من الاساس ..
قلت لها بس انا اغار عليكي وهي اللي تضحك وتقول قم اطلع برى ولايكثر طس بس .. ..

موضوع: تابع<<< 1/8/2008, 8:05 am

ولبست ملابسها المهم اني نشبت لها عشان تخليني اروح معها للعشاء عشان احافظ على مابقى من رجولتي ..
ووافقت بعد ما جلست ابكي عندها واحب رجولها بس شرطت علي اني ما افتح فمي ولا اقول ولا كلمه ..
ولبست ثوبي وشماغي وتوجهنا لمطعم خمس نجوم ماعمري حلمت اني ادخله ودخلنا ولقينا في استقبالنا ثلاثة شباب كاشخين بالبدل الرسميه شكلهم والله اعلم لبنانيين ..
واول ماشافوا زوجتي وهم اللي يقمزون يسلمون عليها ويتميلحون عندها ولا كأني موجود وجلسوا على الطاوله بعد مامسكوا الكرسي لزوجتي عشان تجلس ومسكت انا نفسي ورحت لهم وسلمت عليهم وقال لي واحد منهم لو سمحت اربعه مويه(( يحسبني الجرسون ))
وقامت زوجتي تضحك وقالت لهم هذا زوجي وانتم بكرامه وانا ضغطي واصل الف مليون جنيه استرليني جلست معاهم
وقال واحد منهم يخزي العين عليك شو بتجنني ..
وقال الثاني انتي لو الأمر (القمر) شافك بيخجل من نفسه كرمالك ..
وقال الثالث ولك تسلملي هالعوينات
عمري بحياتي ماشفت هيك عيون حلوين انتي
مثل الامر الطالع يسلملي طولك الفارع وجمالك البارع والتفت علي وقال هيدا وجهك ولاشارع !!!!
طبعا هم يتغزلون بزوجتي وانا كأني كرسي بينهم ..
وطلعت زوجتي بكت المالبورالاحمر وقامت تدخن تدخن ولاكأني موجود ومسكت نفسي مع اني عصبي(( كل تراب يعني جت على الدخان بس ))
المهم جاء الجرسون عشان ياخذ الطلب وطلبت زوجتي سي فود
عاد انا ما قدرت اتحمل وقمت معصب وقلت لها شوفي ماعبرتيني قلت معليش يعزمونك رجاجيل اجانب قلت مو مشكله ..
يتغزلون فيكي قلت حريه رأي..
تدخنين قدامي قلت حريه شخصيه ..
اما انك تطلبين خمر وقدامي بعد هذا اللي ما اقدر اسكت عليه ..
قالت لي بكل برود من اللي طلب خمر الحين ياوجه العنز ؟!!
قلت لها تحسبيني حمارما افهم ..
اجل وشو السي فود !!!
وهي اللي تفك الضحكه هي وملاعين الوالدين اللي معاها وقال لي واحد منهم ياحبيبي السي فود يعني اكلات بحريه بس بالانجليزي تؤبرني ..
انا ضاع وجهي وجلست مكاني وقلت لهم وانا وش دراني انا ثقافتي اسبانيه (( عاش مصرف ))
وكل واحد منهم طلب اللي يبي وجاء دوري اطلب وعطاني الالومنيوم
حقت الطلبات وقمت اقرأ ولافهمت ولاشي كلها اسامي غريبه انا فكرتها اول مره كشف اسماء طلاب مدرسه في نيويورك
وعشان ما انحرج مره ثانيه قلت لهم اطلبوا لي انتم ..
وقال واحد منهم شو رايك اطلب لك اومليت ؟؟
قلت له انا ما احب الرز وبعدين انا تغديت رز اصلا ..
وهم اللي يضحكون .. وقال لي الاومليت نوع من انواع البيض بس عليه طماطم وحركات قلت له ياخي قول شكشوكه وفكنا ماله داعي تتفلسف انت ووجهك الاحمر تصدق انت لو يجيك برص على لون وجهك الاحمر بيطلع وجهك كنه شماغ البسام الطبعه الثالثه قال لي ياحبيبي الشكشوكه غير والاومليت غير تؤبرني ..
قلت له ما ابيه خله يجيب لي صحن فول وصحن مطبق بلا خرابيط ..
وراح الجرسون يجيب الطلب .. وزوجتي مرتفع ضغطها لاني فضحتها قدام زملائها ..
المهم بعد ماخلصنا من العشاء التفتت علي زوجتي وقالت لي يالله قوم روح البيت قلت لها وليش وانتي؟؟
قالت لي انا بروح مع زملائي لشقتنا !!
قلت لها أي شقه ؟؟
قالت لي شقه مستأجرينها انا وياهم عشان نسهر فيها على راحتنا قلت لها نعنو بوك احد قالك ان اسمي جورج والا سلفستر والا احد قالك ان جدي كان خنزير تراني سعودي انتي ووجهك وش اللي شقه وكلام فاضي متزوج روسيه انا .. .. اقوووول امشي قدامي لايوصل الدم للركب (( بالله ماتحسيتوا اني رجال !! ))
قالت لي اسمع ياكلب المحارق لايكون صدقت نفسك انك رجال .. واعتقد اني فهمتك اكثر من مره انك ديكور بس ..
اخذك معاي عشان الناس يشوفونك مثلك مثل جزمتي وحتى جزمتي استفيد منها اكثر منك ..
بصراحه انا ماعاد عرفت وش ارد خصوصا ان اللبنانيين اللي معاها فيهم الضحكه بس مستحين يفكونها .
انا بغيت امحطها كف بس خفت اللي معاها يفزعون لها ..
(( متعود على المدارس دايم ينطق ))
الوكاد اني طلعت من المطعم بلحالي وانا أجر اذيال الهزيمه وأجر اذيال القطاوه حسيت اني حقير ونذل وشرير حسيت ان مفتاح سيارتي ارجل مني (( ماجبت جديد ))
وتحسفت على زوجتي الاوله صحيح انها كانت شينه بس كانت تدور رضاي وتحترمني ..
وصلت البيت وانا منز راسي وكل هموم الدنيا على كتفي الا هم صغير على بطني ..
وفتحت باب البيت ودخلت البيت ولقيت السواق بوندو قدامي سلمت عليه ولارد علي واول ماتعديته قام يضحك ..
وقلت له وش فيك ياحمار ؟؟
ومادريت الاوهو ماسكني مع حلقي ويقول مافيه يرفع صوت انتا .. انتا مافيه سوي رجال عندي .. انت روهـ سوي رجال عند حرمه مال انتا يالله روهـ ادخل بيت ومافيه قرقر زياده (( حتى الهندي مستحقرني))

موضوع: تابع<<< 1/8/2008, 8:06 am

المهم اني نزلت راسي ومارديت ودخلت غرفتي وانا ابكي على ماجرالي ياهلي(( فاضي استهبل ))
وجلست في هم وحزن ..
ومادريت الا باب غرفتي يطق ودخلت علي الشغاله
وقالت لي بابا ليش انتا يبكي ..
قلت لها لاولاشي ..
بس شعرة دشت بعيني وطلعت(( وش عنده خالد المريخي ))
وقلت لها اطلعي برا مابقى الاتستهزئين علي ..
قالت لي لا بابا انا مافيه هزئ انتا .. انا احب انتا بابا ..
وانظر الا والشيطان واقف عند الباب يرقص وفرحان ويغمز لي وقلت للشغاله خلاص اطلعي برى ابي انام وارتاح ومادريت الا والشيطان معصب وقرب مني وقال ياثور انا تعبت لين جبتها لك لاتخرب على نفسك وانا اللي امسك يد الشغاله واقربها مني والشيطان مبسوط ويطق اصبع وحطيت يدي على راس الشغاله وقلت لها ميري تتزوجيني؟؟؟
قالت لي مافيه مسكله بابا واخذتها وطلعنا من الغرفه والشيطان يسب
ويلعن فيني من القهر اني ابيها بالحلال ..
اخذت الشغاله وطلعنا من البيت وقبل مانطلع حطيت ورقة الطلاق لزوجتي على الطاوله ورحت انا وميري(( خلاص مابقول شغاله))
للمأذون وتزوجنا واستاجرت بيت صغير وقضينا انا وياها حياة سعيده
وعشنا في ثبات ونــــبات ..
وخلفنا خياطييين وشغالات ..
المهم اني بغيت اقول انك اذا خيروك بين اخلاق فأختر الاوله وماراح تندم ..
صحيح انه بيجيك اسهال مزمنوحرقان من وجهها ..
لكن صدقني انك كسبان في الاخير ..
خلاص ابشركم خلص الموضوع يعني القايم يصحي النايم ((عارف ان اكثرهم جاه النوم وهو يقرأخرابيطك ))

المـــــــهم تمت القصه .. ..

عاد ياويلكم مني اذا مارديتوا على القصه
والله تعبت وانا اكتبها ,, ,,
ابي ردكم

» سر جمال الشينه