حوار بين عاشقين

موضوع: حوار بين عاشقين 10/16/2007, 8:25 pm

مسا الخيرات لجميع الاعضاء والزوار الكرام
اليوم عندي لكم سالفة هي اجمل حوار دار بين العاشقين
بس مو اي عاشقين عُشاقنا اليوم من نوع ثاني (حاشي وناقة)
تعالوا نشوف

يكثر في فياض الصمان الابل لكبر المساحه وحسن المرعى وكثرة الربيع وقت الامطار(الله يجيب السيل) وايضاً وجود الدحول التي تختزن الماء في الصيف (الدحول : جمع دحل وهي الحفر العميقة الملتوية في الأرض وتكون في اماكن منخفضة من الأرض تنحدر السيول فيها اثناء موسم الامطار)
من هذه الابل حاشي مراهق ممشوق القوام ابيض اللون كثيف الشعر على الرقبة والحلق والرأس وذروة السنام يمشي متبختراً بجماله كل همه يتندح بين هالنياق الصغار خاصة (البكار) ويضمنها لا هيئة ولا شرطة ، المهم مرّت الايام وهو على هالحال همه أكل وشرب وغزل في هالنياق

يوم جا ذاك اليوم على عادته الى هاك الناقه واردة الماء وتبي تشرب وماقدرت قال هذي فرصتك وقم وافتح لها حنفية الوايت كلها قال: اشربي لعن ابو الفقر لا تروحين للدحل وانا فيه على غير اهلها ماتجيب راس مالها. شربت لين رويت ومسحت شفايفها بمنديل عشان مايتلعوط الروج وقالت الله يعطيك الف عافيه توني زملة من نزلة هالدحل وعلي هالخف الكعب يزلّّق

قال الحاشي

على شانك تحملت الصعايب ** اذوق المر لأجل رضاك حالي

ابتسمت الناقه وصكّته بذيك النظره اللي بغت تجيب اجله

تنهّد وقال

الله اكبر كيف يجرحن العيون ** كيف مايبرى صويب العين ابد
احسب أن الرمش لا سلهم حنون ** واثر رمش العين ماياوي لاحد
يوم روّح لي نظر عينه بهون ** فزّ له قلبي وصفّق وارتعد

ضحكت الناقه ودرت انها لعبت في سستمه عطته وراها ومشت على هونها وهي تومي بذيلها يمنة ويسره وقلبه يروح يمين ويسار قال

آآآآآآه وانعطف هاك الشعر فوق المتون ** وانثنى عوده وقفى وابتعد

طال الليل على خوينا الحاشي متى يجي الصبح؟ كل شوي يطالع في ساعته الريموندويل ماصدق اانه يسمع صوت الراعي يذّن طمر من محلّه وراح يدور عند الشبك وهو يطقق خفوفه طبعاً ماله أصابع ويروح ويجي لين طلع النور وجاالراعي وفتح لهم هو يقاله صغير والا الأبل مايصّك عليها ماصدق خبر وراح عند الوايت يحتريها تشرب جا الراعي قال : خير انشاالله وش جايبك انت وخشّتك كل ذا ضما؟؟ تلعثم الحاشي
قال : هاه لااا أبد مافيه شي بس طاح كبكي امس هنا وجيت ادوره
قال الراعي : اقول بلا استهبال كبك وانت عليك ثوب ساده يالله ظف وجهك مع البعارين لا ألكمك

لٌقّط وجهه خوينا وراح قال: خيره انها ماسمعت وش قال لي الراعي كان طحت من عينها ولا عطتني وجه المهم وهو يكلم نفسه الا هذي رفيقته تقابله يوم شهق من الفرح ( أمّا بعير يشهق كثّر منها) وقال

كفاني عذاب الله يجازيك بافعالك ** جرحت الضمير ولا طرالك تداويني

ضحكت الناقه ذيك الضحكة اللي شلعت قلبه وقالت

ياعل قلب ماشكا الحب والتاع ** تنهار من فوقه محاني ضلوعه
ياما نهيت القلب لا شك ماطاع ** ماطاع يدله والليالي تلوعه
أثر الموّلع دمعته تجرح القاع ** والى ذكر مافات هلت دموعه

الحين تاكد الحاشي انها تبادله نفس الشعورارتاح خاطره واسفهلّ وماعاد خذته الدنيا. مرّت الايام وكبروا وكبر حبهم معهم ،يلتقون كل يوم ويتبادلون المشاعر والاحاسيس

وفي يوم من الايام وهم قاعدين على ذاك الطعس الا يوم مرت ذيك الناقه العفراء طيّّر عيونه رفيقنا مشبّّه عليها مهوب قصده شي! انتبهت له الناقه خويته وطمرت من محلها قالت خلها تنفعك الله يمّليك بركتها انتبه خوينا انه اخطأ ولحقها وقال: وّقفي اشرح لك الموضوع التفتت عليه وقالت

مدام قلبي لك شفوق وميلاف ** وراك ياخلي قليل المروفه
قلّي عسى مابه على الخاطر خلاف ** عسى حبيبي ماقصر دون شوفه
لا لا تعسر القلب في كل محراف ** واحذر يجي عقب الموده حسوفه
دوك الدموع بحاجرالعين وقّاف ** لاانت بماسكها ولاهي ذروفه

تحسّف ابو الشباب ودرى انه غلطان وانه حسّها رد عليها وقال

لك حق تزعل ثم لك حق نرضيك ** مااقوى زعل حبيب قلبي وعيني
مدام قلبي ياريش العين مغليك ** اطلب ولك روحي ومافي يديني
يوم الله احسن صورتك خصّني فيك ** فيك الجمال وصادق الحب فيني

وقفت وتبسمت وارتاح خاطرها وهو تنهد قال هاه طاح الحطب ؟ قالت اه ياااني لو كنت أأدر اسيبك (شويكار مهيب ناقه) وعاشوا في سبات وتبات وخلفوا حواشي وناقات
منقوووووووول
الفيصل نت

موضوع: رد: حوار بين عاشقين 10/16/2007, 8:32 pm

مدام قلبي لك شفوق وميلاف ** وراك ياخلي قليل المروفه
قلّي عسى مابه على الخاطر خلاف ** عسى حبيبي ماقصر دون شوفه
لا لا تعسر القلب في كل محراف ** واحذر يجي عقب الموده حسوفه
دوك الدموع بحاجرالعين وقّاف ** لاانت بماسكها ولاهي ذروفه

كلمات جميله وقصه جميله بين (حاشي وناقة)
قطعو قلبي من كل حبهم الله يوفقهم
خخخخخخخخخخخخخخخخخخخخ

مشكور الفيصل نت

مشرفة قسم الشعر عدد الرسائل : 2407

ههههههههههههههههههههههههههههههههه

يااااالله عليهم يهبلون

يازينهم وزين حبهم

يسلموووووووووووووووو

موضوع: رد: حوار بين عاشقين 10/27/2007, 10:00 pm

كخخخخخخخخخخخخخخ

ياعيني عليهم وعلي حبهم
الله يسعدهم يارب

يسلمووو خيوووو

انتظرجديدك

موضوع: رد: حوار بين عاشقين 10/28/2007, 2:19 am

هههههههههههههههههههههههههههههههه
خخخخخخخخخخخخخخخخخخ
هههههههههههههه
خخخخخ
هه

الله لايغير عليهم..ههههههههههههههههههه

يسلمووووووو,,,

موضوع: رد: حوار بين عاشقين 11/7/2007, 5:08 pm

الف شكر لك على القصة الشيقة ومجهود تشكر علية

وننتظر جديدك

لك مني الف تحية واحترام

» حوار بين هيفاء وهبي وال00000000000000